=========== التَّفْخِيمُ وَالتَّرْقِيقُ ===========
മൊത്തം അക്ഷരങ്ങളെ حُرُوفُ
الْإِسْتِعْلاَء , حُرُوفُ
الْإِسْتِفَال എന്നിങ്ങനെ രണ്ടാക്കി തിരിച്ചുകൊണ്ട് പാഠം മൂന്നില് പഠിച്ചത് ഓര്മ്മയിലുണ്ടല്ലോ.
ق , خ , غ , ظ , ط , ض
,ص എന്നീ അക്ഷരങ്ങളാണ് اِسْتِعْلاَء ന്റെ അക്ഷരങ്ങള് എന്നും നാവിനെ മേലണ്ണാക്കിന്റെ ഭാഗത്തേക്കുയര്ത്തി വായ നിറച്ചു ഉച്ചരിക്കുന്നതിനാലാണ് اِسْتِعْلاَء എന്ന പേര് വന്നത് എന്നും ആ പാഠത്തില് നാം പഠിച്ചിട്ടുണ്ട്. ഇങ്ങനെ അക്ഷരങ്ങളെ വായ നിറച്ചു സ്വരഭാരത്തോടെ ഉച്ചരിക്കുന്ന രീതിയെ تَفْخِيم ചെയ്ത് ഉച്ചരിക്കല് എന്ന് പറയുന്നു. എന്നാല് ل , ر എന്നീ അക്ഷരങ്ങളെ ശ്രദ്ധിക്കുക. ഇവ حُرُوفُ الْإِسْتِعْلاَء ഇല് പെട്ടതല്ലെങ്കിലും ഇവയെ സന്ദര്ഭാനുസൃതം تَفْخِيم ചെയ്തും അല്ലാതെയും ഉച്ചരിക്കേണ്ടതായ രണ്ടു നിയമ വശങ്ങള് ഉണ്ട്. ആ കാര്യമാണ് ഈ പാഠത്തില് നമുക്ക് പഠിക്കാനുള്ളത്.
الله എന്ന പദത്തിലാണ് ل നെ تَفْخِيم ചെയ്യേണ്ടതുള്ളത്.
പ്രപഞ്ച സ്രഷ്ടാവായ അല്ലാഹുവിന് ഈ പേര് കൂടാതെ മറ്റു അനേകം വിശേഷണ നാമങ്ങളുണ്ടെങ്കിലും الله എന്നത് തന്നെയാണല്ലോ ഒന്നാമത്തെ നാമം. اِسْمُ الْجَلالَة (മഹോന്നത നാമം)എന്നാണ് ഈ നാമത്തെ അറിയപ്പെടുന്നത്.
الله എന്ന പദത്തിന്റെ മൂലധാതു ഏതാണ് എന്നതില് പണ്ഡിതന്മാര്ക്കിടയില് ഒന്നിലധികം അഭിപ്രായം കാണാം.
എന്നാല് സര്വ്വലോക സ്രഷ്ടാവും,രക്ഷിതാവും,നിയന്താവും,പരിപാലകനും,ഉടമസ്ഥനുമായ ഒരു ഏക മഹാ ശക്തനെ മാത്രം കുറിക്കുന്ന പദമാണ് അത് എന്നതില് ആര്ക്കും എതിരഭിപ്രായമില്ല. അതുകൊണ്ടുതന്നെ ആരാധിക്കപ്പെടുന്ന വസ്തു-അഥവാ ദൈവം എന്ന അര്ത്ഥത്തില് പൊതുവെ ഉപയോഗിക്കപ്പെടാറുള്ള اله (ഇലാഹ്) എന്ന പദം ഇതിനോട് ഏറെക്കുറെ യോജിപ്പുണ്ട് എന്നതിനാല് اله എന്ന പദത്തില് ال എന്ന അവ്യയം ചേര്ത്ത് യഥാര്ത്ഥപ്പെടുത്തിയതാണ് الله എന്ന പദമെന്ന് അഭിപ്രായപ്പെട്ടവര് ധാരാളമുണ്ട്. അപ്പോള് ഈ പദത്തിന് യഥാര്ത്ഥ ദൈവം,സാക്ഷാല് ദൈവം അഥവാ ആരാധിക്കപ്പെടുവാന് യഥാര്ഥത്തില് അര്ഹതയുള്ളവന് എന്ന് അര്ത്ഥമായി.
[അല്ലാഹുവേ...ഏറ്റവും സൂക്ഷ്മമായി അറിയുന്നവന് നീ മാത്രം...]
الله എന്നതിലെ അക്ഷരങ്ങള് ا ل ل ه എന്നിവയാണല്ലോ. ഇവിടെ الله എന്ന് തനിച്ചു പറയുമ്പോള് تَفْخِيم ചെയ്താണ് ഉച്ചരിക്കേണ്ടത്. എന്നാല് ഇതിലെ ل നെ تَفْخِيم ചെയ്യുമ്പോഴുള്ള ശബ്ദം ض ന്റെയോ ظ ന്റെയോ ശബ്ദമല്ല.മറിച്ചു ل ന്റെ مَخْرَج ല് വെച്ചുതന്നെ ل നെ تَفْخِيم ചെയ്യുന്ന ശബ്ദമാണ് ഉണ്ടാകേണ്ടത് എന്നുള്ളത് നാം പ്രത്യേകം മനസ്സിലാക്കേണ്ടതാണ്.
അതുപോലെതന്നെ فَتْحَة യോ ضَمَّة യോ നല്കപ്പെട്ട ഒരു അക്ഷരത്തോട് ചേര്ത്താണ് الله എന്ന് ഉച്ചരിക്കേണ്ടതെങ്കില് അവിടെയും تَفْخِيم ചെയ്യണം.
ഉദാഹരണം:-
എന്നാല് كَسْرَة നല്കപ്പെട്ട ഒരു അക്ഷരത്തോട് ചേര്ത്താണ് الله എന്ന് ഉച്ചരിക്കേണ്ടതെങ്കില് تَفْخِيم ചെയ്യാതെ ലഘുവാക്കുകയാണ് വേണ്ടത്. ലഘുവാക്കി ഉച്ചരിക്കുന്നതിനെ تَرْقِيق ചെയ്യല് എന്ന് പറയുന്നു.
ഉദാഹരണം:-
വീഡിയോ
ഇനി ر നെ تَفْخِيم ഉം تَرْقِيق ഉം ചെയ്യേണ്ട നിയമങ്ങളാണ് പഠിക്കാനുള്ളത്. അതില് ഇതിനേക്കാള് കൂടുതല് പഠിക്കാനുണ്ട് എന്നതിനാല് നമുക്കത് അടുത്ത പേജില് പഠിക്കാം.(ഇന്ശാഅല്ലാഹ്)
അഭ്യര്ത്ഥന:- അഭിപ്രായ-നിര്ദ്ദേശങ്ങള്
ആമുഖം പേജില് അറിയിക്കുക.
<<<ആമുഖം>>>
=========== ******* ===========
മാശാ അല്ലാഹ്, നല്ല അവതരണം. വീഡിയോ ക്ലിപ്പ് വളരെ നന്നായിട്ടുണ്ട്. അല്ലാഹു തക്ക പ്രതിഫലം നൽകട്ടെ.. ആമീൻ
ReplyDeleteആമീന്.. ബെഞ്ചാലീ.. താങ്കള് ഇടക്കൊക്കെ സന്ദര്ശിക്കുന്നതില് സന്തോഷമുണ്ട്ട്ടോ.. നന്ദി.
Deleteമാന്യ വായനക്കാരോട്.,ഇനിമുതല് തജ് വീദുമായി ബന്ധപ്പെട്ട അഭിപ്രായങ്ങള് അറിയിക്കാനുണ്ടെങ്കില് ഈ പാഠങ്ങളുടെ ആമുഖംപേജില് രേഖപ്പെടുത്തണമെന്ന് അഭ്യര്ത്ഥിക്കുന്നു. മറ്റു മുഴുവന് പേജുകളുടെയും കമന്റ്ബോക്സ് ക്ലോസ്സ് ചെയ്യുകയാണ്.
ReplyDelete